Արարատ Միրզոյանի ուղերձը Վրաստանի խորհրդարանի նախագահին՝ երկրում պառլամենտարիզմի ձեւավորման 100-ամյակի կապակցությամբ


«Մեծարգո պարոն Իրակլի Կոբախիձե,

իմ եւ Հայաստանի Ազգային ժողովի պատգամավորների անունից սրտանց շնորհավորում եմ Վրաստանում առաջին օրենսդիր մարմնի` Հիմնադիր ժողովի ձեւավորման մեկդարյա տարեդարձի առթիվ:

Հարյուր տարի առաջ մեր երկու երկրները գրեթե միաժամանակ հռչակեցին երկար սպասված անկախությունը եւ սկիզբ դրեցին պետականաշինության նոր տարեգրության:

Չունենալով խորհրդարանական ավանդույթներ` ժամանակի գործիչներին հաջողվեց կազմակերպել ու անցկացնել համապետական ժողովրդավարական եւ բազմակուսակցական ընտրություններ, սկիզբ դնել օրենսդրական բեղուն գործունեության: Հատկանշական է, որ թե Հայաստանի, թե Վրաստանի` անցյալ դարասկզբին ձեւավորված խորհրդարանների կառուցվածքն ու ընդունած առաջին իսկ օրենքներն իրենց ժողովրդավարական բնույթով առաջանցիկ էին ժամանակի շատ երկրների օրենսդիր մարմինների գործունեությունից:

Մեծ է եղել խորհրդարանի դերակատարությունը երկրում ինչպես օրենսդրական դաշտի, այնպես էլ պետական համակարգի կայացման, միջխորհրդարանական կապերի հաստատման ու զարգացման, միջազգային հարթակներում համագործակցության ծավալման առումով: Ձեւավորված ավանդույթները ժամանակի ընթացքում իրենց շարունակականությունն են ունեցել եւ հաջողությամբ կենսագործվում են նաեւ ներկայում:

Եվս մեկ անգամ շնորհավորում եմ Վրաստանում պառլամենտարիզմի ձեւավորման 100-ամյակի կապակցությամբ, մաղթում արդյունավետ եւ արգասաբեր գործունեություն»,-ասված է ՀՀ ԱԺ նախագահի ուղերձում:



Source link

Products You May Like

Articles You May Like

Second U.S. appeals court rules Trump cannot end protections for…
Կարծում եմ՝ Բակո Սահակյանը ՀՀ-ում վստահություն վայելող անձ չէ, որ կարող էր միջնորդությամբ հանդես գալ (տեսանյութ)
Փաշինյանի ոչ համարժեք արձագանքը կամ իշխանությունը «վերակենդանացրեց» Քոչարյանին
MLB roundup: 7 Rays pitchers shut out Marlins 1-0
Basketball: Blazers' Lillard left in limbo by Warriors’ wall of…

Leave a Reply

Your email address will not be published. Required fields are marked *