Երևանին և Բաքվին կաջակցենք փոխզիջումային հանգուցալուծման որոնումներում. ՌԴ ԱԳՆ


Կիրակի լրանում է Բիշքեկում Ադրբեջանի, Հայաստանի և Լեռնային Ղարաբաղի ներկայացուցիչների ստորագրած հրադադարի համաձայնագրի 25 տարին, և այս կապակցությամբ Ռուսաստանի արտաքին գործերի նախարարությունը հայտարարություն է տարածել:

«Ս.թ. մայիսի 12-ին լրանում է 25 տարին այն օրից, երբ ուժի մեջ մտավ հրադադարի մասին համաձայնագիրը, որը ստորագրել են Ադրբեջանի, Հայաստանի և Լեռնային Ղարաբաղի ներկայացուցիչները: Համաձայնությունը ձեռք է բերվել Ռուսաստանի Դաշնության ուղղակի միջնորդությամբ: Այն թույլ է տվել դադարեցնել զանգվածային արյունահեղությունը և գործարկել Լեռնային Ղարաբաղի հակամարտության կարգավորման գործընթացը քաղաքական և դիվանագիտական միջոցներով: Մայիսի 12-ի համաձայնագիրը մինչև հիմա շարունակում է մնալ հրադադարի պահպանման հիմքը:

Լեռնային Ղարաբաղի հիմնախնդրի կարգավորման գործընթացը բարդ է: Այն վերելքներ ու անկումներ է ունենում: Կարգավորման գործընթացի մասնակիցներից պահանջվում է ժամանակ ու քաղաքական կամք՝ կարգավորման առանցքային հարցերի շուրջ համաձայնության գալու համար:

Մենք տեսնում ենք հակամարտող կողմերի՝ կայուն խաղաղության հասնելուն ուղղված համատեղ աշխատանքները շարունակելու պատրաստակամությունը: Այդ մասին են վկայում, մասնավորապես, Հայաստանի և Ադրբեջանի ղեկավարների՝ Վիեննայում վերջերս կայացած հանդիպման արդյունքները, ինչպես նաև երկու երկրների արտգործնախարարների՝ Մոսկվայում կայացած բանակցությունները:

Մեր կողմից աջակցություն կցուցաբերենք Բաքվին և Երևանին՝ գտնելու փոխզիջումային հանգուցալուծումներ: Ինչպես և նախկինում, շարունակելու ենք հետևողական միջնորդական ջանքեր ձեռնարկել Մինսկի խմբի շրջանակում՝ ԱՄՆ-ի և Ֆրանսիայի հետ միասին»,- ասված է հայտարարության մեջ:



Source link

Products You May Like

Articles You May Like

Golf: Stricker says U.S. to stick with four Ryder Cup captain's picks
MLB roundup: Astros top Red Sox for 10th straight win
Overstock CEO says he had to sell shares to supplement his pay
Trump declares some auto imports pose national security threat
Չինացին լապշայի օգնությամբ վերանորոգել է կահույքն ու սանտեխնիկան և հայտնի դարձել ցանցում (տեսանյութ)

Leave a Reply

Your email address will not be published. Required fields are marked *